Na mina

Na lexanía sonó opacu´l turullu, señal de desosiegu
d´angonies y pesares, de conmociones,de rumiar palabres malsonantes.
Acuden como si fuesen autómates madres, padres, esposes y dalgún rapacín.
Fríes d´argadiellones barruntes golpien ensin compasión pechos xenxos;
llarimes enllutaes que broten asustaes en güeyos encaldiaos
y mentestantu, los padres traguen babia amesturada en sangre,
les madres con vides encaniaes y corazón muertu
llevanten cantíos al cielu pidiendo por los suyos.
Les llames de les candilexes siguen formes pantasmales y mentres,
la espera angustiase en entirriaes necesidaes;
apaecen per la puerta de la descaía xaula
cuatru torres de pena negra tirando per una camilla;
una man que se mueve, un sospiru, un´allegría
y en tan oscura tez toos ven reflexos de cara conocía.
La nueche golpía con tristura doloríes carnes inmunes
y hasta la lluna escóndese entre les ñubes de desdicha.
Salen de nuevo los valientes con cabeza gacha y manes vacíes;
otros titanes métense nel enxeñu pa intentar recuperalos.
El tiempu comprime l´ánima, desarma les serenidaes.
Les plegaries son más altes y tamién son los cagamentos
que cubren la impotencia de no poder tar abaxu.
Aterraes candeles emerxen de les entrañes y con elles
les manes ensangrentaes que porten la última cama.
Los lloros multiplíquense, les rabies dispárense
al pasar per xunta ellos el cuerpu ensolláu con un cobertor.
La mina de los demonios, castrona y serena,
poneora de pan enriba la mesa, cobra otru tributu.

Y en la mina

En la lejanía sonó opaco el turullo señal de desasosiego
de angustias y pesares, de conmociones, de rumiar palabras malsonantes.
Acuden como si fuesen autómatas madres, padres, esposas y algún niño.
Sombras de inquietantes sospechas golpean sin compasión pechos endurecidos;
lágrimas enlutadas que nacen asustadas en ojos enrojecidos
y mientras, los padres tragan saliva mezclada en sangre,
las madres con vidas desecadas y corazón muerto
elevan cánticos al cielo pidiendo por los suyos.
Las luces de los candiles siguen formas fantasmales y mientras,
la espera se angustia en tensas necesidades,
aparecen por la puerta de la decaída jaula
cuatro torres de pena negra tirando de una camilla;
una mano que se mueve, un suspiro, una alegría
y en tan oscura tez todos ven reflejos de cara conocida.
La noche golpea con tristeza doloridas carnes inmunes
y hasta la luna se esconde entre nubes de desdicha
Salen de nuevo los valientes con cabeza gacha y manos vacías;
otros titanes se meten en el artefacto para intentar recuperarlos.
El tiempo comprime el alma, desarma las serenidades.
Las plegarias son más altas y también lo son las blasfemias
que cubren la impotencia de no poder estar abajo.
Aterradas candelas emergen de las entrañas y con ellas
las manos ensangrentadas que portan la última cama.
Los lloros se multiplican, las rabias ya se disparan
al pasar por junto a ellos el cuerpo tapado con una manta
La mina de los demonios, maliciosa y serena,
ponedora de pan sobre la mesa, ha cobrado otro tributo.